कोरोना संक्रमण तीव्र रुपमा फैलन थालेकै समयमा कोशी अस्पताल विराटनगरको पीसीआर मेशिनमा बिग्रिएको छ । मेशिन बिग्रिएपछि त्यसको मर्मतका लागि काठमाण्डौं पठाउने तयारी थालिएको छ ।अस्पतालका मेडिकल सुपरिटेन्डेन्ट डा. चुमनलाल दासले पीसीआर मेसिनमा केहिदिन यता प्राविधिक समस्या आएको जानकारी दिए । मेशिनमा समस्या आएपछि मर्मत गर्न पठाउने तयारी गरिएको उनले बताए ।सोमबारसम्म संकलन भएका स्वाबको नमूना परीक्षण गरिएको तर समस्या भने केहिदिन अगाडीदेखि नै देखिदैं आएको मेसु दासले बताए । ममर्तका लागि आजै काठमाडौँ पठाउने तयारी भईरहेको र नयाँ मेशिन समेत जडान गर्ने प्रक्रिया सुरु गरिएको बताइएको छ ।अस्पतालमा नियमित औषधी आपूर्ति गर्दै आएका औषधि सप्लायर्सबाट केही समयका लागि अर्काे मेशिन लिएर जडान गरिएको छ । अस्पतालको ल्याब शाखाका अनुसार भाइरस पत्ता लगाउने कार्य अटोमेटेड र म्यानुअल्ली तरिकाबाट गर्दै पीसीआरबाट अन्तिम रिपोर्ट आउने गर्दछ । कम्तीमा ७२ वटा स्वाब नमूनामा रिपोर्ट दिने क्षमता रहेको सो मेशिन केहिवर्ष अगाडीदेखि नै कोशीमा रहेको थियो ।

तपाईको प्रतिक्रिया